हिन्दी चलचित्र ‘पुष्पा २’ ले विश्वभरका थिएटरमा धुम मच्चाइरहेको छ । यसैबीच सुपरस्टार अल्लु अर्जुनमाथि ठूलो कारबाही भएको छ । हैदरावादको सन्ध्या थिएटर काण्डमा प्रहरीले अभिनेता अल्लु अर्जुनलाई पक्राउ गरेको छ ।
सो क्रममा अल्लु अर्जुनका केही तस्विरहृ बाहिर आइरहेका छन् । उनले लगाएको टीसर्टमा हिन्दीमा लेखिएको छ ‘म फूल होइन, म आगो हुँ ।
अल्लु अर्जुनलाई पक्राउ गरेपछि प्रहरीले उनलाई हैदराबादको चिक्कडपल्ली प्रहरी चौकीमा लगेको थियो । यस विषयमा अभिनेतासँग यहाँ सोधपुछ गरिनेछ । अल्लु अर्जुन र उनको टोलीले पनि महिलाको मृत्युमा शोक व्यक्त गरेका थिए।
अभिनेताले मृतक महिलाको परिवारलाई भेटेर २५ लाख सहयोग गर्नेसमेत गरेका थिए ।
के हो मामला ?
डिसेम्बर ४ मा चलचित्र ‘पुष्पा २’ को स्पेशल स्क्रिनिङका क्रममा थिएटरमा भागदौड मच्चिँदा ३५ वर्षीया महिलाको मृत्यु भएको थियो ।
अल्लु अर्जुन पनि यस स्क्रिनिङको हिस्सा बन्न थिएटर पुगेका थिए । उनलाई हेर्नको लागि भीड नियन्त्रण बाहिर गएको थियो ।
सो घटनामा प्रहरीले अल्लु अर्जुन र थिएटर व्यवस्थापनविरुद्ध मुद्दा दर्ता गरेको थियो ।
.gif)
