काठमाडौँ / लोकसेवा आयोगले प्राविधिक र अप्रावधिकतर्फ विभिन्न पदका लागि कर्मचारी माग गरेको छ । बिहीबार एक सूचना जारी गर्दै लोकसेवाले राजपत्राङ्कित प्रथम र द्वितीय श्रेणी तथा स्वास्थ्य सेवाका नवौँ तहका पदको समावेशी समूहका विभिन्न कर्मचारी माग गरेको हो ।
दरखास्त दस्तुर आयोगको अनलाइन दरखास्त प्रणालीमार्फत विद्युतीय माध्यमबाट सोझै वा मास्टर आइडी र कारोबार सङ्केत नम्बर उल्लेख भएको बैङ्क भौचर प्रिन्ट गरी तोकिएका बैङ्कबाट नगद समेत बुझाउन सकिनेछ ।
यसअघि असोज २५ गते प्रकाशित विज्ञापनको खुलातर्फ आवेदन दिइसकेकाले समावेशी समूहमा आवेदन दिन प्रचलित कानुनबमोजिम योग्य उम्मेदवारले समेत यस सूचना बमोजिम समावेशी समूहमा थप आवेदन पेस गर्न सक्ने सूचनामा उल्लेख छ ।
थप समावेशी समूहमा दरखास्त पेस गर्दा उक्त थप समूहको मात्र दस्तुर लाग्नेछ । मंसीर १ गतेसम्म तोकिएको परीक्षा दस्तुर वा दोब्बर दस्तुर अनिवार्य रूपमा बुझाउनुपर्ने आयोगले जनाएको छ ।
.gif)
