काठमाडौँ / त्रिभुवन विश्व विद्यालयको आंगिक क्याम्पस विश्वभाषा क्याम्पसमा नयाँ भर्ना खुलेको छ । क्याम्पसले चिनियाँ, फ्रेन्च, स्पेनिस, जापनिज, रसियन, इटाली, कोरियन, अरबिक, हिब्रु, प्रारम्भिक अङ्ग्रेजी र लेखन भाषाहरूको नयाँ भर्ना खुलाएको हो ।
नयाँ भर्नका साथै क्याम्पसले अङ्ग्रेजी र नेपाली भाषाबाहेक अन्य भाषाका लागि शिक्षक र अनुवादकहरू आवश्यक भएकाले सम्पर्क गर्न पनि अनुरोधसमेत गरेको छ ।
यी भाषाहरू पढ्न इच्छुक विद्यार्थीहरूले पुस १६ देखि पुस २६ गतेभित्र फाराम बुझाउनुपर्नेछ ।
अङ्ग्रेजीबाहेक सबै भाषाका लागि एसएलसी वा एसीसीमा कम्तीमा सी ग्रेड ल्याएर उत्तीर्ण भएको हुनुपर्ने तथा अङ्ग्रेजी लेखनका लागि स्नातक उत्तीर्ण हुनुपर्ने बताइएको छ ।
